Daas Joor duet me nit marschiere,

aber wenigschtens spaziere.

D Poschte, won is dien erwarte,

schängge uns die Junge Garde.

Danggscheen saisch in dääne Dääg

und de machsch dr Räppliwääg.

Zämme mit so mängge Lyt

gseesch au Lampe-Monolith.

Die kaasch no belychtet gsee.

S Danggscheen goot an d IWB.

Unsre Dangg isch hitte gwaltig:

Ghulfe het d Allmäändverwaltig,

s Prääsidep losst alles groote,

s Gsundhaitsdep duet uns beroote.

Gseesch dä Abfallbärg, duesch stutze,

und de danggsch de Lyt, wo butze.

D Bolizei luegt ganz guet aane

und duet smft an d Reegle maane.

Abstand, zämme nur fünf Gstalte.

Vyl vo eich dien sich draa halte,

denn d Fasnächtler maches guet,

dorum zie mer jetz dr Huet.

Daas Joor duets is fasziniere.

D Hyser duet me dekoriere,

drum gseesch in dr Stadt zuemaischt

ainewäg dr Fasnachtsgaischt.

Au d Frau Fasnacht loot nit lugg

und sait, s näggscht Joor bin i zrugg.

Alli zämme wänn mers gsee,

sait eich s Fasnachts-Comité.